ترى مب كل متخرج من أمريكا يعرف Jbm‏

اليوم يبت لكم سالفة واحد من الشباب وان شاء الله
تعيبكم وبرويها لكم على لسانه

يقول الشاب :

كنت جالس مع شباب خريجين جامعات امريكيه ويشتغلون في شركات
وأنا مسكين متخرج من جامعة حكومية وقاعد بينهم مثل الأطرش
في الزفة!!

يسولفون ويضحكون وانا مدري وش السالفه !!

واذا سألتهم يردون علي بتعجب: 'معقولة ما تعرف؟'

اسمع السوالف :


يقول واحد:

- مدير الـ HR عندنا مغرور وشايف نفسه
- هذا قسم المغرورين لأنهم يعرفون ان الكل يحتاجهم.
- ووين الـ MD؟ ما يتدخل بينكم؟
- مشغول باجتماعات ما تنتهي مع الـ CEO.
- وحنّا متورطين مع جماعة الـ IT، ما نقدر نتكلم معهم ابد.
- أوه.. هذولا اردى ناس .. دايمً يفضحونا في الـ KPI.
- يا جماعة حنّا في 'الويك إند'..<< تكلموا في شي ثاني.

أتنهد وأقول في نفسي:

الحمد لله جاء دوري في الكلام

يسأل واحد منهم:- شو أخبار الـ DFM؟

- تعبان، عشان ال IPO الأخير جاء على غير المتوقع، وما ربحنا فيه ريال
- قلت لك أن هذا زمن العقارات.

أقول في نفسي:

العقارات؟ أعرفها ولله الحمد

يقول واحد:

- فيه فلل للإيجار في الـ JBR؟
- طارت الطيور بأرزاقها.
أصحح كلامه وأقول في نفسي: قُل TTA، طيور، طارت، أرزاق..

يقول أحدهم:

- اتركوا العقارات وخل نتكلّم عن زحمة الشوارع.
- أمس جاي من أبوظبي، وبدت الزحمة قدّام الـ DIC إلى بوابة سالك.
- وأنا كنت في طريقي للـ DMC وبقيت ساعتين في زحمة شارع الشيخ زايد.

يخلص الكلام عن الزحمه، ويطالعني واحد منهم بعد
الزقاره العاشرة والفنجان الخامس:

- بو محمد، ليش ما تاخذ الماستر'؟
أقول في نفسي: أكيد أنه يقصد 'ماستر كي' وقبل أن أقول له مفاتيحي كلها
في جيبي أتذكر أن المقصود هو الماجستير، فأقول بلا اهتمام:
- ماعندي وقت
- وكم كان الـGPA؟
- ما اذكر، بس انه 'أوتوماتيكي'.

يضحك الجميع ويعتقدون أنني أمزح. ويوم جا وقت العشا يقولون:

- مطعم هندي.. لا إيراني.. لا شامي.. يا جماعة اشتقنا إلى الـ KFC.
كلهم وافقوا وقعدوا يطالعوني ينتظرون رايي، قلت:

- أنا باروح للبيت وأنتو روحوا للـ JBM.

قالوا:

JBM !! وشو بعد هذا ؟؟؟
قلتلهم : - 'معقولة ما تعرفون؟'
شرح الاختصارات:

HR: الموارد البشرية.. MD: المدير التنفيذي.. CEO: الرئيس التنفيذي.. IT: تقنية المعلومات...
KPI: مقياس مؤشر الأداء.. DFM: سوق دبي المالي... IPO: الاكتتاب.. JBR: جميرا بيتش ريزدنس..
DIC: مدينة دبي للإنترنت.. DMC: مدينة دبي للإعلام..
GPA: المعدل التراكمي.. KFC: كنتاكي..

JBM : جهنم وبئس المصير.