السلام عليكم والرحمه ..........
شحالكم عساكم بخيير اليوم ؟؟؟
يبتلكم موضوع عن حالت الشباب يوم يحبووون شو يسووون
ان شاء الله انه محد يزعل مني وان شاء الله انكم تستانسون يوم بتقرووونه (البنات بس )
ههههههههههه ماضنيي ( أقصد الشباب بس)
1.تلقينه دايم كاااشخ وفرحاان ويسولف وطلبي منه أي شي( بيقولج تم.. انتي بس آمري) أنصحج اذا ما لقيتي حد يشلج السوق ..تراها فرصه لا تتعوض طلبيه ..وع ضمانتيه ما بيردج..
2. من فرحته معاشه يخلص من اول اسبوع من كثر ما يصرف ع كشخته ..اتعرفون عااد عطوورات ويفصل كل شهر 7 كنادير او أكثر..ومن غير الهدايا حق ال؟؟؟؟؟
3. 24 ساعة في السينما (كله أفلااام رومانسية) لا وكل العزايم ع حسابه(أونه عااد)..
4. ما يرقد الليل من كثر التفكير (العيون ما يحتاي الصبح حمر ومتنفخاات بعيد الشر)..بس أحيانا ما يرقد من اليوع (ظاهرة غريبه) بتلقينه في المطبخ نص الليل يدور أي شي عسب ياكله خخخخ
5. عاااد يا ويل أمه ويلاه..كل يوم الصبح وع الغدا والعصر وفليل وفي أي وقت (أميه أبى اعرس) ( يصير شراات الياهل يوم يبى ابوه يشتريله لعبه)خخخ.. ما بخلي حد فالبيت ما بيقولهْ..ع باله العرس في يوم وليله ..
6. (هاذي من الواقع وصارت جدامي ) بتلقينه حاطله غنيه ربشه و اييوول فحجرته برووحه (ينان من الخاطر)..
7. يوم ياخذله شاور (يتسبح) بيصدع البيت كله من كثر ما يغني في الحمام ..امرره اللي تبين تسمعينه..تقول شريط منوعاات ( وعااد يا ليت الصووت حلو ..ما ادري من جاذب عليه وقايله صوتك حلو) ..
8. اذا ست الحسن(حبيبة القلب) في حارة ثانيه ...لا دورونه واايد..بتلقونه يدور في سيارته هناك..( يسوي استعراض بسيارته..ثاني يوم بتلقينه فالصناعية يعدلها)
9. عاااد اذا زعلت عليه ..اول شي حالة اكتئاب شديد ..ما يقعد فالبيت ..اذا من هل بوظبي ودبي بتلقينه يرمس عمره عند البحر.. واذا من هل العين بتلقينه بايت في العزبة يرمس بوشه أو يرمس العمال اللي هناك خخخخ..(والله الدنيا ما تستاهل )
10. اذا رحتي غرفته ..غالبا ما تلقين عنده دفتر مال قوم بو ربيه(مال صف اول ابتدائي) بس صدقيني ما بتلقينه بسهوله خخخ....ااتعرفين شو بتلقين..أونه حليله يألف قصايد..لو تقرينهن ما بترومين تسكتين من الضحك ..كله كلااام فاضي..ويبات ينقل من المجلااات قصايد..ويرسم حروف (عااد هنيه الحروف بالانجليزي مب بالعربي يطلعن أحلى) خخخ..وعااد تعالي طالعي الخط ما يحتاي..التاء المربوطة تصير مفتوحة..والمفتوحه مربوطه ..وبلاااوي ..
هههههههههههههههههههههه
مساااكــــــــــــين .... غامضيني
لاتفهموني غلط
كــل الشبــاب مقصودين خخخخخ
سمحوولي شباب
